न्यूज पीसीएमसी नेटवर्क
पिंपरी (दि. २० मे २०१९) :- पिंपरी महानगरपालिकेच्या कारभाराने एमआयडीसीतील उद्योजक मूलभूत सुविधांपासून वंचित आहेत. एसी टॉयलेटची सुद्धा आवश्यकता नसताना भर घातली आहे. जिथे गरज आहे तिथे एकसुद्धा ई टॉयलेट उभारले जात नाही. शहरातील औद्योगिक परिसरात ई टॉयलेट उभारू, असे महापालिकेने दिलेले आश्वासन हवेतच विरले आहे.
त्याविरोधात उद्योजकांमधून संताप व्यक्त केला जात आहे. औद्योगिक परिसरात फोरम ऑफ स्मॉल स्केल इंडस्ट्रीज असोसिएशनने २०१८ पासून महापालिकेत बैठक घेऊन परिसरातील ई टाॅयलेट, उद्यान, अंतर्गत वाहतूक, कचरापेट्या, सीसीटीव्ही कॅमेरे, एमआयडीसी चौक, सुशोभीकरण व अन्य मागण्या केल्या होत्या.
या बैठकीत तीन महिन्यांमध्ये औद्योगिक परिसरातील ही कामे केली जातील, असे आश्वासन दिले होते. मात्र महापालिकेच्या अधिका-यांना याचा विसर पडला आहे. सायकल योजना, ई टॉयलेट आदींच्या सुविधा अद्याप देण्यात आलेल्या नाही. एकही समस्या महापालिकेने सोडवलेली नाही, अशी माहिती फोरम स्मॉल स्केल इंडस्ट्रीज असोसिएशनचे अध्यक्ष अभय भोर यांनी प्रसिद्धीस दिलेल्या पत्रकात दिली आहे.
न्यूज पीसीएमसी Whatsapp Share करीता आपला मो.नं.रजिस्टर करा.