महापालिकेच्या शिक्षकाला अटक..

• सातवीच्या वर्गातील विद्यार्थिनींशी अश्लील चाळे…

न्यूज पीसीएमसी नेटवर्क

पिंपरी (दि. २४ जुलै २०२५) :-  शाळेतील इयत्ता सातवीच्या वर्गातील १३ वर्षीय विद्यार्थिनी आणि तिच्या इतर मैत्रिणींसोबत अश्लील चाळे केल्याप्रकरणी पिंपरी-चिंचवड महापालिकेच्या संशयित शिक्षकाला अटक केली. निगडी पोलिस ठाण्याच्या हद्दीत ११ ते १९ जुलै दरम्यान या कालावधीत ही घटना घडली.

संतोष हरिभाऊ बेंद्रे (५१, रा. कृष्णानगर, पिंपरी-चिंचवड) असे या शिक्षकाचे नाव आहे. बुधवारी (दि. २३ जुलै) रोजी निगडी पोलिस ठाण्यात गुन्हा दाखल करण्यात आला.

पोलिसांनी दिलेल्या माहितीनुसार, संतोष बेंद्रे हा पिंपरी-चिंचवड महापालिकेच्या शाळेत शिक्षक आहे. अल्पवयीन विद्यार्थिनी आणि तिच्या इतर मैत्रिणीशी त्याने अश्लील चाळे केले. वॉशरुमला डोकावून पाहून लज्जा उत्पन्न होईल असे वर्तन केले. पोलिसांनी भारतीय न्याय संहिता २०२३चे कलम ७४, ७८, ११५(२), बालकांचे लैंगिक अपराधापासून संरक्षण अधिनियम २०१२ चे कलम ७, ८, ९ (एफ), १२, तसेच अनुसूचित जाती व जमाती अत्याचार प्रतिबंधक कायद्यानुसार गुन्हा दाखल केला आहे. सहाय्यक पोलिस आयुक्त सचिन हिरे तपास करीत आहेत.