“एक दीप प्रकाश देतो, पण अनेक दीप एकत्र आले की सण उत्सव होतो.” – इरफानभाई सय्यद..

• साद सोशल फाऊंडेशन व इरफानभाई सय्यद सोशल फाऊंडेशनचा “दिवाळी आनंद सोहळा” उत्साहात साजरा…

न्यूज पीसीएमसी नेटवर्क

पिंपरी (दि. १७ ऑक्टोबर २०२५) :- मानवतेचा खरा उत्सव साजरा करत साद सोशल फाऊंडेशन व इरफानभाई सय्यद सोशल फाऊंडेशन यांच्या संयुक्त विद्यमाने “दिवाळी आनंद सोहळा” हा उपक्रम यंदा अकराव्या वर्षी मोठ्या उत्साहात आणि आत्मीयतेने पार पडला. हा कार्यक्रम दुर्गानगर चौक, निगडी, येथे नुकताच संपन्न झाला.

या सोहळ्यात सुमारे ४०० अंध बांधव व भगिनींना “दिवाळी फराळ किट” वाटप करून दिवाळीचा आनंद सामायिक करण्यात आला. प्रकाशाच्या या पर्वात समाजातील दृष्टीहीन बांधवांना आनंदाचा किरण देण्याचा हा उपक्रम म्हणजे माणुसकीचा खरा दीपोत्सव ठरला.

कार्यक्रमाचे निमंत्रक, शिवसेना उपनेते तसेच साद सोशल फाऊंडेशनचे संस्थापक व अध्यक्ष इरफानभाई सय्यद यांच्या प्रेरणेतून हा उपक्रम सलग अकराव्या वर्षी यशस्वीपणे पार पडला. आपल्या मनोगतात इरफानभाई सय्यद म्हणाले, “दिवाळी फक्त सजावट आणि फटाक्यांचा सण नाही, ती आनंद, सहभाव आणि प्रकाश वाटण्याची प्रेरणा आहे. आपण जर एका गरजूच्या आयुष्यात थोडा प्रकाश आणला, तर तीच खरी दिवाळी आहे. दिवाळीचा प्रकाश फक्त घरातच नाही, मनातही उजळू द्या आनंद वाटला कीच सण पूर्ण होतो.”

पुढे बोलताना त्यांनी समाजसेवेतील सातत्यपूर्ण वाटचालीचा निर्धार व्यक्त केला.

कार्यक्रमास पिंपरी चिंचवड महानगरपालिकेचे माजी महापौर राहुल जाधव, माजी उपमहापौर शरद बो-हाडे, माजी नगरसेविका तथा शिवसेना महिला उपनेत्या सुलभाताई उबाळे, मा. नगरसेवक उत्तम केंदळे, मा. नगरसेवक बाप्पू घोलप, शिवसेना पुणे जिल्हा प्रमुख भगवान पोखरकर, खेड-आळंदी विधानसभा सहसंपर्क प्रमुख निलेश मुटके, भोसरी विधानसभा प्रमुख संभाजी शिरसाट, युवानेते निखिल बोरहाडे, निलेश नेवाळे, संतोष जाधव, तसेच अरविंद सोलंकी, राजेश पंगल, सुशिल जैन, महेंद्रशेठ ठाकुर, प्रदीप धामणकर, हाजी लालुभाई शेख, संदिप मधुरे, आदिनाथ देवकर, अमित जैन, भूषण नांदुरकर, नितीन शिंदे, दिलीप सोलंकी, संजयजी सोलंकी, रोहित अगरवाल, मल्लेश कद्रापूरकर, अमोल म्हेत्रे, संजय बांदल, जितेंद्र जैन, सतिश कंठाळे, अनिल दळवी, हर्षदजी लुंकड, प्रशांत सपकाळ, चेतन चिंचवडे, प्रसाद बनसोडे, सचिनजी चिखले, रमेशजी चौधरी, निरंजनदास अगरवाल, रविभाऊ गोडेकर, राजु पाटील, लतिफभाई खान, प्रभाकर गुरव, प्रशांत थोरवे, पांडुरंग कदम, अनिल कातळे, डॉ. श्याम आहिरराव, सुरेश चौधरी यांच्यासह अनेक मान्यवर उपस्थित होते.

समाजसेवक, स्थानिक नागरिक, स्वयंसेवक आणि साद फाऊंडेशनचे सदस्य मोठ्या संख्येने उपस्थित राहिले. सर्वांच्या सहकार्यामुळे या सामाजिक दीपोत्सवाला खऱ्या अर्थाने उजाळा मिळाला. अंध बांधवांच्या चेहऱ्यावर उमटलेले हसू हेच या सोहळ्याचे खरे पारितोषिक ठरले.