राष्ट्रवादीच्या सुनील शेळकेंनी भाजपच्या २५ वर्षीय गडाला लावला सुरुंग

न्यूज पीसीएमसी नेटवर्क

पिंपरी (दि. २४ ऑक्टोबर २०१९) :- कमालीची उत्सुकता लागलेला मावळ विधानसभा मतदार संघातील राष्ट्रवादी काँग्रेस, भारतीय राष्ट्रीय काँग्रेस, स्वाभिमानी रिपब्लिकन पार्टीचे उमेदवार सुनील शंकरराव शेळके यांनी एकतर्फी सर केला.

त्यांनी ९३ हजार ६१२ मतांची आघाडी घेत भाजपा शिवसेना युतीचे उमेदवार राज्यमंत्री संजय उर्फ बाळा भेगडे यांचा दारुण पराभव केला.

सुनील शेळके यांना एकूण एक लाख ६७ हजार १४१ मते मिळाली. प्रतिस्पर्धी पराभूत उमेदवार बाळा भेगडे यांना केवळ ७३ हजार ५२९ मते मिळाली. मावळ विधानसभा मतदारसंघात यावेळी ३ लाख ४८ हजार ४६२ मतदार होते. त्यापैकी दोन लाख ४७ हजार ९६१ मतदारांनी मतदानाचा हक्क बजावला. इतर पाचही उमेदवारांचे डिपॉझिट जप्त झाले आहे.