चिंचवडगावातील तानाजीनगर येथे लाखाची घरफोडी; गुन्हा दाखल…

न्यूज पीसीएमसी नेटवर्क

पिंपरी (दि. १३ डिसेंबर २०१९) :- फिर्यादी यांचा भाऊ आदित्य याचे चिंचवडगाव येथील तानाजीनगर येथे घर आहे. सोमवारी (दि. ९) सकाळी अकरा ते बुधवारी (दि. ११) पहाटे पाच वाजण्याच्या कालावधीत त्यांचे घर बंद होते. दरम्यानच्या कालावधीत घरात कोणी नसल्याचा फायदा घेत चोरट्यांनी कडी कोयंडा तोडून घरात प्रवेश केला.

कपाटातून ७९ हजार रुपयांचे ८ तोळे सोन्याचे दागिने, ८ हजार रुपये किमतीचे चांदिचे ब्रेसलेट आणि चार हजार रुपये रोख रक्कम असा एकूण ९१ हजार रुपयांचा ऐवज चोरून नेला. ओंकार अनिल देशपांडे (वय ३६, रा. कोथरूड) यांनी याप्रकरणी चिंचवड पोलीस ठाण्यात फिर्याद दिली आहे. त्यानुसार, अज्ञात चोरट्या विरोधात गुन्हा दाखल करण्यात आला आहे. चिंचवड पोलीस तपास करीत आहेत.