न्यूज पीसीएमसी नेटवर्क
पिंपरी (दि. ३० डिसेंबर २०१९) :- रविवारी (दि. २९) पहाटे तीनच्या सुमारास फिर्यादी सचिन यांना माहिती मिळाली की, शितळानगर येथे एका पत्र्याच्या शेडमध्ये जनावरांची कत्तल सुरु आहे. त्यानुसार सचिन आणि त्यांचे चार मित्र देहूरोड पोलीस ठाण्यात दाखल झाले.
पोलिसांच्या व गोरक्षकांच्या मदतीने देहूरोड पोलिसांनी अडीच टन गोमांस पकडले आहे.मदतीने त्यांनी शीतळानगर येथील वाशिंग सेन्टरच्या मागे असलेल्या पत्र्याच्या शेडमध्ये प्रवेश केला. पोलिसांची चाहूल लागताच तिघेजण पळून गेले तर एकाला पोलिसांनी पकडले. आरोपी तांबोळी यांच्याकडे तपास करत त्याच्याकडून अडीच टन गोमांस जप्त केले.
याव्यतिरिक्त कत्तल करण्यासाठी आरोपींनी दहा जनावरे आणल्याचे देखील निदर्शनास आले आहे. त्यामध्ये पाच बैल, चार गाई आणि एक कालवड यांचा समावेश आहे. याबाबत आरोपींवर महाराष्ट्र प्राणि संरक्षण सुधारणा कायद्यान्वये गुन्हा दाखल करण्यात आला आहे. सचिन साहेबराव शित्रे (वय ३२, हाडपसर, पुणे) यांनी याप्रकरणी देहूरोड पोलीस ठाण्यात फिर्याद दिली आहे. त्यानुसार, सर्फराज कादर तांबोळी (रा. मामुर्डी, देहूरोड) आणि त्याच्या तीन साथीदारांवर गुन्हा दाखल करण्यात आला आहे. देहूरोड पोलीस तपास करीत आहेत.
न्यूज पीसीएमसी Whatsapp Share करीता आपला मो.नं.रजिस्टर करा.
