न्यूज पीसीएमसी नेटवर्क
पिंपरी (दि. ५ मार्च २०२०) :- एक तरुणी आपली दुचाकी चालू करून मंदिरासमोर उभी राहिली असता, अचानक दुचाकीचा वेग वाढल्यावर दुचाकी तरुणीसह मंदिरात घुसली. वाकड गावठाणातील म्हातोबा मंदिरा शेजारील महादेव मंदिरासमोर हा प्रकार घडला आहे. या व्हिडिओ मधील तरुणीला कोणतीही दुखापत झालेली नाही. मात्र महादेव मंदिराच्या दारासमोरच दुचाकीचा वेग अती झाल्याने तरुणीचे गाडीवरील नियंत्रण सुटले. त्यानंतर तरुणीने थेट मंदिराच्या पायऱ्यांवरुन गाडीसहीत मंदिरात प्रवेश करुन तिथे असलेल्या नंदीसमोर लोटांगण घातले.
वाकड परिसरातील महादेवनगर येथील मंदिरातील सिसिटीव्हीमध्ये हा अपघात कैद झाला आहे. मंगळवारी सकाळी एक तरुणी मंदिर परिसरात कामानिमित्त आली होती. काम झाल्यानंतर परत जाण्यासाठी तरुणीनेने मंदिरासमोर दुचाकी सुरू केली गाडी सुरु केल्यानंतर रेसचा अंदाज न आल्याने तरुणी दुचाकीसह वेगात मंदिरामध्ये गेली. महादेव मंदिरामधील नंदीच्या समोरच महिला जोरात पडल्याचे सीसीटीव्हीमध्ये कैद झाले आहे. या अपघातात सुदैवाने त्या तरुणीला गंभीर जखम झाली नाही. तरुणीने लागलीच दुचाकी उचलण्याचा प्रयत्न केला परंतु तिला दुचाकी उचलणे शक्य होत नव्हते.
हा सगळा प्रकार बाजूच्या महिलेने पहिला आणि तिच्या मदतीला आल्याचे सीसीटीव्हीमध्ये दिसते. परंतु सदर तरुणीला गाडी उचलण्यासाठी मदत करण्याऐवजी तिच्याशी झालेल्या प्रकाराबाबत बोलताना दिसत आहे. शेवटी त्या तरुणीने स्वत:च गाडी उचलून मंदिरातून काढता पाय घतला.
न्यूज पीसीएमसी Whatsapp Share करीता आपला मो.नं.रजिस्टर करा.
