न्यूज पीसीएमसी नेटवर्क
पिंपरी (दि. ११ मार्च २०२०) :- पिंपरी चिंचवड महानगरपालिकेच्या यमुनानगर रुग्णालाचे आरोग्यवर्धिनी केंद्रात रुपांतरीत करण्यात आले असून त्याचे उद्घाटन महापौर उषा ऊर्फ माई ढोरे यांच्या हस्ते आज करण्यात आले.
या कार्यक्रमास स्थायी समिती सभापती संतोष ऊर्फ आण्णा लोंढे, मनसे गटनेते सचिन चिखले, फ प्रभाग अध्यक्षा योगिता नागरगोजे, प्रा. उत्तम केंदळे, नगरसदस्या सुमन पवळे, कमल घोलप, अतिरिक्त आरोग्य वैद्यकीय अधिकारी डॉ. वसंत साळवे, मुख्य माहिती व तंत्रज्ञान अधिकारी निळकंठ पोमण, महिला वैद्यकीय अधिकारी डॉ. वर्षा डांगे, वैद्यकीय अधिकारी डॉ. संध्या भोईर, माहिती व जनसंपर्क विभागाचे रमेश भोसले आदी उपस्थित होते.
या आरोग्यवर्धिनी केंद्राचा नागरिकांना मोठयाप्रमाणावर वैद्यकीय सुविधांचा लाभ घेता येणार असून यामध्ये प्रसुतीपुर्व व प्रसुती पश्चात काळजीपुर्वक माताबाल सेवा, अर्भक व बालक आरोग्य सेवा, लहान व किशोरवयीन मुला-मुलींसाठी आरोग्य सेवा, कुटुंब नियोजन, संतती प्रतिबंध सेवा व इतर प्रजनन व बाल आरोग्य सेवा, राष्ट्रीय आरोग्य कार्यक्रमांतर्गत साथरोग सेवा, साध्या संसर्गजन्य रोग तपासणी, उपचार, नियंत्रण व प्रतिबंधाकरीता सेवा याच बरोबर नेत्र व कान-नाक-घसा संबंधित उपचार व किरकोळ आरोग्य सेवा, मौखिक आरोग्य सेवा, वयोवृध्द नागरिकांकरीता आरोग्य सेवा, आपातकालीन आरोग्य सेवा, मानसिक आरोग्य संबंधित मुलभुत उपचार व व्यवस्थापन सेवा तसेच रुग्णाकरीता योग इ. सेवांचा अंतर्भाव असणार आहे. यावेळी या आरोग्यवर्धिनी केंद्रमार्फत प्रथम वैद्यकीय हेल्थ कार्ड शिवाजी घोडेराव यांना महापौर उषा ऊर्फ माई ढोरे यांच्या हस्ते वितरित करण्यात आले.
न्यूज पीसीएमसी Whatsapp Share करीता आपला मो.नं.रजिस्टर करा.