न्यूज पीसीएमसी नेटवर्क
पिंपरी (दि. १६ जून २०२०) :- देशात ३८० रुग्णांचा मृत्यू झाल्याने एकूण मृतांची संख्या ९,९०० वर पोहोचली आहे. गेल्या २४ तासांत १० हजार ६७ नवीन रुग्ण आढळले असून, एकूण रुग्णसंख्या ३ लाख, ४३ हजार ०९१ झाली आहे. एकूण रुग्णांपैकी १ लाख ८० हजार १३ रुग्ण बरे झाले आहेत. रुग्ण बरे होण्याचे प्रमाण ५१.०८ टक्क्यांवर पोहोचले असून, १ लाख ५३ हजार १७८ रुग्ण उपचार घेत आहेत.
करोनाच्या परिस्थितीचा आढावा घेण्यासाठी मंगळवार व बुधवार असे सलग दोन दिवस पंतप्रधान नरेंद्र मोदी राज्यांच्या मुख्यमंत्र्यांशी चर्चा करणार आहेत. महाराष्ट्र, तमिळनाडू, दिल्ली, गुजरात, राजस्थान, उत्तर प्रदेश, मध्य प्रदेश, पश्चिम बंगाल, कर्नाटक, बिहार, आंध्र प्रदेश, हरयाणा, जम्मू-काश्मीर, तेलंगण आणि ओडिशा या राज्यांच्या मुख्यमंत्र्यांशी ही बैठक होणार आहे.
या राज्यांमध्ये करोनाचा प्रादुर्भाव जास्त आहे. मुख्यमंत्र्यांशी होणारी ही सहावी व सातवी बैठक असेल. यापूर्वी ११ मे रोजी मोदींनी सर्व राज्यांच्या मुख्यमंत्र्यांचे म्हणणे ऐकून घेतले होते. टाळेबंदी शिथिल करण्यापूर्वी केंद्रीय गृहमंत्री अमित शहा यांनी मुख्यमंत्र्यांशी चर्चा केली होती.
न्यूज पीसीएमसी Whatsapp Share करीता आपला मो.नं.रजिस्टर करा.
