न्युज पीसीएमसी नेटवर्क
पिंपरी (दि. २८ एप्रिल २०२२) :- महापालिकेच्या संत तुकारामनगर येथील यशवंतराव चव्हाण स्मृती रुग्णालयातील पदव्युत्तर संस्थेत (पीजीआय) मायक्रो बायोलॉजी (एमडी) हा वैद्यकीय पदव्युत्तर पदवी अभ्यासक्रम सुरू करण्यास मान्यता मिळाली आहे. त्यासाठी महाराष्ट्र शासनाच्या वैद्यकीय शिक्षण व औषधी द्रव्ये विभागास ५ लाख रुपये शुल्क भरण्यास आयुक्त राजेश पाटील यांनी मान्यता दिली.
या अभ्यासक्रमासाठी प्रवेश क्षमता ३ आहे. मायक्रो बायोलॉजी पदव्युत्तर पदवी अभ्यासक्रम सुरू करण्याचा प्रस्ताव वायसीएमने वैद्यकीय शिक्षण व औषधी द्रव्ये विभागास दिला होता. प्रस्ताव छाननी शुल्क ५ लाख रूपये आहे. ते शुल्क वैद्यकीय शिक्षण, प्रशिक्षण व संशोधन या नावाने अदा करावे, असे पत्र २५ फेब्रुवारीला वायसीएमला मिळाले आहे. त्या संदर्भातील प्रस्ताव पदव्युत्तर संस्थेने आयुक्तांसमोर ठेवला होता. त्यास त्यांनी मान्यता दिली आहे.
न्यूज पीसीएमसी Whatsapp Share करीता आपला मो.नं.रजिस्टर करा.
