- सर्वांसमोर काढले कारभाराचे वाभाडे..
- दीर-भावजयमधील सुप्त संघर्ष नडला?…
न्यूज पीसीएमसी नेटवर्क
पिंपरी (दि. १० ऑक्टोबर २०२३) :- मी अश्विनी लक्ष्मण जगताप आहे. माझ्या नादी लागू नका, मला हलक्यात घेऊ नका, पाठीमागून वार करणे सोडा, पुढे येऊन वार करा असे आव्हान देत चिंचवडच्या आमदार अश्विनी जगताप यांनी भाजपा सरचिटणीस नामदेव ढाके यांना सर्वांसमोर खडेबोल सुनावले.
मावळ लोकसभा प्रवास दौरा, घर चलो अभियानाच्या निमित्ताने प्रदेशाध्यक्ष चंद्रशेखर बावनकुळे ११ ऑक्टोबर रोजी पिंपरी-चिंचवड दौऱ्यावर येणार आहेत. याची माहिती देण्यासाठी शहर भाजपाने पत्रकार परिषद बोलविली होती. आमदार अश्विनी जगताप वेळेवर पत्रकार परिषदेला उपस्थित होत्या. शहराध्यक्ष शंकर जगताप हे उशिरा आले. आमदार अश्विनी जगताप आणि शहराध्यक्ष शंकर जगताप या दीर-भावजयमध्ये सुप्त राजकीय संघर्ष सुरू असल्याची नेहमीच चर्चा होते. पत्रकार परिषद संपताच शहराध्यक्ष जगताप बाहेर पडले.
पत्रकार परिषद झाल्यानंतर आमदार अश्विनी जगताप आक्रमक झाल्या. त्या म्हणाल्या, ‘मी अश्विनी लक्ष्मण जगताप आहे. माझ्या नादी लागू नका, मला हलक्यात घेऊ नका, प्रत्येकवेळी मला डावलले जाते. पाठीमागून वार करणे सोडा, पुढे येऊन वार करा असे आव्हान देत आमदार जगताप यांनी भाजप सरचिटणीस नामदेव ढाके यांना सर्वांसमोर खडसावले.
याबाबत विचारले असता राजशिष्टाचार पाळला जात नसल्याने मी बोलल्याचे आमदार जगताप म्हणाल्या. तर, मी मागे बसल्याने पुढे बसा, पक्षाचे सरचिटणीस आहात असे आमदारांनी म्हटल्याचे ढाके म्हणाले.