- पुरस्कारामुळे शैक्षणिक क्षेत्रात पिंपरी-चिंचवडचा गौरव…
न्यूज पीसीएमसी नेटवर्क
चिंचवड (दि. १२ ऑक्टोबर २०२५) :- चिंचवड येथील कमला एज्युकेशन सोसायटी संचलित प्रतिभा इंटरनॅशनल स्कूलला “अभिनव अध्यापन पद्धतीचा अवलंब करणे” या श्रेणीत ‘इंडिया के-१२ पुरस्कार २०२५’ ने सन्मानित करण्यात आले आहे. पुणे येथे एल्ड्रॉक इंडिया या नामांकित संस्थेतर्फे आयोजित समारंभात हा प्रतिष्ठित पुरस्कार प्रदान करण्यात आला.
हा सन्मान शाळेत राबविण्यात येत असलेल्या नाविन्यपूर्ण अध्यापन पद्धती, शैक्षणिक उपक्रम आणि विद्यार्थीकेंद्रित शिक्षण यासाठी देण्यात आला. शाळेच्या वतीने हा पुरस्कार मुख्याध्यापिका वृंदा जोशी यांनी कल्याणी नगर, पुणे येथे आयोजित कार्यक्रमात स्वीकारला.
समारंभात प्रमुख पाहुणे आणि इतर मान्यवरांनी कमला एज्युकेशन सोसायटीच्या कार्याचे कौतुक करत प्रतिभा इंटरनॅशनल स्कूल इतर शाळांसाठी एक आदर्श ठरल्याचे मत व्यक्त केले. या पुरस्कारामुळे शाळेची प्रतिष्ठा पुणे आणि पिंपरी-चिंचवड शहरात शैक्षणिक क्षेत्रात आणखी उंचावली असून, विद्यार्थ्यांना गुणवत्तापूर्ण शिक्षण देण्याची दिशा अधिक बळकट झाली आहे.
या गौरवाबद्दल कमला एज्युकेशन सोसायटीचे संस्थापक व अध्यक्ष डॉ. दीपक शहा, खजिनदार डॉ. भूपाली शहा, आणि संचालिका डॉ. तेजल शहा यांनी मुख्याध्यापिका वृंदा जोशी तसेच शिक्षक व शिक्षकेत्तर कर्मचारी वर्गांचा विशेष सत्कार करून अभिनंदन केले. यावेळी सर्वांना भावी कार्यासाठी शुभेच्छा देण्यात आल्या.
न्यूज पीसीएमसी Whatsapp Share करीता आपला मो.नं.रजिस्टर करा.