काळेवाडीत मच्छिंद्र (तात्या) तापकीर यांना मतदारांचा भक्कम पाठींबा..  

• काळेवाडी, विजयनगर, पवनानगर, ज्योतिबानगर व नढेनगरमध्ये घराघरांत पोहोचले घड्याळ…

न्यूज पीसीएमसी नेटवर्क

काळेवाडी (दि. १२ जानेवारी २०२६) :- पिंपरी-चिंचवड महानगरपालिका निवडणुकीच्या पार्श्वभूमीवर प्रभाग क्रमांक २२ काळेवाडी, विजयनगर, पवनानगर, ज्योतिबा नगर आणि नढेनगर परिसरात राष्ट्रवादी काँग्रेस पक्षाचा प्रचार सध्या जोरात सुरू आहे. राष्ट्रवादी काँग्रेसचे अधिकृत उमेदवार मच्छिंद्र (तात्या) तापकीर यांनी प्रचारात आघाडी घेतली असून, त्यांच्या नेतृत्वाला नागरिकांकडून मोठ्या प्रमाणावर सकारात्मक प्रतिसाद मिळत आहे. घराघरांत भेटी, सोसायटी सभा, पदयात्रा, कोपरा बैठका आणि नागरिकांशी थेट संवाद साधत राष्ट्रवादी काँग्रेसचा विकासाचा अजेंडा प्रभावीपणे मांडण्यात येत आहे.

प्रचारादरम्यान उमेदवारांनी प्रभागातील दीर्घकाळ प्रलंबित असलेल्या नागरी समस्यांवर स्पष्ट भूमिका घेतली. काळेवाडी व विजयनगर परिसरातील रस्त्यांची दुरवस्था, पवनानगर व ज्योतिबा नगरमध्ये पाणीपुरवठ्याची अनियमितता, नढेनगरमधील वाहतूक कोंडी, सांडपाणी व ड्रेनेजची समस्या, तसेच आरोग्य व स्वच्छतेशी संबंधित प्रश्न नागरिकांच्या दैनंदिन जीवनावर परिणाम करत असल्याचे त्यांनी अधोरेखित केले. “या समस्या केवळ कागदावर न ठेवता प्रत्यक्ष मैदानात उतरून सोडवण्याची ताकद राष्ट्रवादी काँग्रेसकडे आहे,” असा ठाम विश्वास मच्छिंद्र (तात्या) तापकीर यांनी व्यक्त केला.

यावेळी राष्ट्रवादी काँग्रेस पक्षाचे पिंपरी-चिंचवडसाठीचे विकास व्हिजन नागरिकांसमोर मांडण्यात आले. प्रभागाचा विकास गतीने, नियोजनबद्ध आणि सर्वसमावेशक व्हावा, हा पक्षाचा प्रमुख उद्देश असून, त्यासाठी पायाभूत सुविधा बळकट करणे, दर्जेदार रस्ते, सुरळीत वाहतूक व्यवस्था, स्वच्छ व नियमित पाणीपुरवठा, सक्षम सार्वजनिक आरोग्य सेवा आणि प्रभावी कचरा व्यवस्थापन यावर भर देण्यात येणार असल्याचे तापकीर यांनी सांगितले. “विकास म्हणजे केवळ मोठी कामे नाहीत, तर नागरिकांच्या रोजच्या अडचणी दूर करणे हाच खरा विकास आहे,” असे ते म्हणाले.

प्रचार फेरीदरम्यान महिलांचा, ज्येष्ठ नागरिकांचा आणि तरुणांचा सहभाग लक्षणीय दिसून आला. महिलांनी सुरक्षितता, आरोग्य सुविधा आणि स्वच्छतेच्या मुद्द्यांवर आपली मते मांडली, तर तरुणांनी रोजगार, क्रीडा सुविधा आणि शिक्षणाशी संबंधित अपेक्षा व्यक्त केल्या. या सर्व मुद्द्यांचा समावेश विकास आराखड्यात केला जाईल, असे आश्वासन उमेदवारांनी दिले.

राष्ट्रवादी काँग्रेस पक्षाचे स्थानिक पदाधिकारी, कार्यकर्ते आणि समर्थक मोठ्या संख्येने प्रचारात सक्रिय असून, “प्रभागाचा विकास, नागरिकांचा विश्वास” हा संदेश प्रत्येक घरापर्यंत पोहोचवला जात आहे. जनतेशी थेट संवाद, प्रश्नांची नोंद आणि त्यावर तात्काळ उपाययोजना सुचवणे, ही प्रचाराची प्रमुख वैशिष्ट्ये ठरत आहेत. एकूणच प्रभाग क्रमांक २२ मध्ये राष्ट्रवादी काँग्रेस पक्षाचा प्रचार अधिक तीव्र होत असून, मच्छिंद्र (तात्या) तापकीर यांच्या अनुभवसंपन्न व विकासाभिमुख नेतृत्वावर नागरिकांचा विश्वास अधिक दृढ होताना दिसत आहे. प्रभागाच्या उज्ज्वल भविष्यासाठी राष्ट्रवादी काँग्रेसलाच संधी द्यावी, अशी भावना नागरिकांमध्ये ठळकपणे व्यक्त होत आहे.