न्यूज पीसीएमसी नेटवर्क
पिंपरी (दि. २६ फेब्रुवारी २०२०) :- शहरातील रस्ते सफाईचे काम स्वीपर मशिनने केले जाणार आहे. त्यामुळे असंख्य कामगारांवर बेकारीची कुऱ्हाड कोसळणार आहे. पिंपरी – चिंचवड महापालिकेच्या या निर्णयाच्या विरोधात ‘ फ ‘ क्षेत्रीय कार्यालयाच्या एकूण २३० सफाई कामगारांनी मंगळवारी (दि. २५) काम बंद आंदोलन केले. त्यामुळे परिसरातील रस्ते सफाई झाली नाही.
पालिकेच्या वतीने शहरातील मुख्य रस्त्यांसोबतच ६, १२ व १८ मीटर रूंदीचे सर्व रस्ते रोड स्वीपर मशिनने स्वच्छ केले जाणार आहेत. त्याची निविदा प्रक्रिया अंतिम करण्यात आली आहे. ही निविदा प्रक्रिया राबविल्याने सुमारे १ हजार कामगार बेकार होणार असल्याने ती रद्द करावी, अशी मागणी पिंपरी – चिंचवड शहर स्वयंरोजगार सेवा सहकारी संस्था फेडरेशनच्या वतीने करण्यात आली आहे. जोपर्यंत मागणी मान्य होत नाही, तोपर्यंत हे आंदोलन सुरू राहणार असल्याचे कामगारांनी सांगितले.
न्यूज पीसीएमसी Whatsapp Share करीता आपला मो.नं.रजिस्टर करा.