नागरिकांकडून संचारबंदीची ऐशी-तैशी;

• आदेशाचे पालन न करणाऱ्या २२४ जणांवर पोलिसांकडून गुन्हे दाखल…

न्यूज पीसीएमसी नेटवर्क

पिंपरी (दि. १५ एप्रिल २०२०) :- प्रशासनाने दिलेल्या आदेशाचे पालन न करणाऱ्या २२४ जणांवर पोलिसांनी गुन्हे दाखल केले आहेत. आत्तापर्यंत तीन हजार ७०० पेक्षा अधिक जणांच्या विरोधात पोलिसांनी गुन्हे दाखल केले आहेत. करोनाचा प्रसार रोखण्यासाठी पंतप्रधान यांनी संपूर्ण देशात लॉकडाऊन घोषित केले आहे. या लॉकडाऊनची मुदत पुन्हा ३ मे पर्यंत वाढविण्यात आली आहे.

लॉकडाऊन सोबतच संचारबंदीचे आदेशही प्रशासनाने दिले आहेत. मात्र शासनाच्या या आदेशाकडे दुर्लक्ष करीत दुकाने सुरू ठेवणाऱ्या, संचारबंदी आदेशाचा भंग करून मोकाट फिरणाऱ्या तसेच मास्क न वापरणाऱ्यांच्या विरोधात भा. द. वि. कलम १८८ अन्वये गुन्हा दाखल करण्यात येत आहे. तरीदेखील नागरिक काहीही कारण सांगून घराबाहेर पडत आहेत. अशांवर पोलिसांनी आणखी कडक कारवाई करण्यास सुरवात केली आहे.

पिंपरी १, चिंचवड २४, भोसरी १३, एमआयडीसी भोसरी १७, निगडी १६, दिघी २२, आळंदी ०६, चाकण ६, वाकड ३०, हिंजवडी ०९, सांगवी ०९, चिखली २७,
तळेगाव दाभाडे – ४, तळेगाव एमआयडीसी ०३, रावेत चौकी ०४, म्हाळंगे चौकी ०३, शिरगाव चौकी ०५.