न्यूज पीसीएमसी नेटवर्क
पिंपरी (दि. १२ मे. २०२०) :- संपूर्ण जगाला एका सूक्ष्मातीसूक्ष्म कोविड (कोरोना) विषाणूने हादरवून सोडले आहे. आज तरी आपल्यापुढे केंद्र सरकारने घालून दिलेल्या नियमांचे काटेकोर पालन करून स्वतःचे व ईतरांचे प्राण वाचवणे हा एकच मार्ग आहे. या पार्श्वभूमीवर, आधुनिक युगातले महान संत व आदर्श युगपुरूषोत्तम श्री श्री ठाकुर अनुकूलचंद्र यांच्याशी युक्त असलेला समाज हा सेवा, विकास, व ऊन्नती या तत्वप्रणालीवर आधारीत ‘सत्संग’ संघटनेमार्फत स्थानिक व देश पातळीवर मदत कार्य करत आहे.
आज भारत व विदेशात मिळून जवळपास ५००० सत्संग केंद्र, विहार, श्रीमंदिर, व उपयोजना केंद्र आहेत जे विद्यमान सत्संग आचार्यदेवांच्या मार्गदर्शनानुसार सन्निती, सदाचार, व नि:स्वार्थ सेवा ही मूल्ये जोपासत कार्य करत आहेत. एप्रिल महिन्यात सत्संग देवघर या प्रतिष्ठानामार्फत केंद्र सरकारला (PM CARES Fund) १० कोटींचा मदतनिधी ऊपलब्ध करून दिल्याबद्दल माननीय पंतप्रधानांनी सत्संग कार्याबद्दल कौतूक व कृतज्ञता व्यक्त केली.
‘सत्संग देवघर’ या लोककल्याणकारी प्रतीष्ठानची ‘सत्संग पुणे’ ही सेवाभावी शाखा असून या शाखेमार्फत पुण्यातील सत्संगी गुरुबंधू व भगिनी आजच्या कोविड संकटात सरकारी नियमांचे काटेकोर पालन करीत पुणे व आसपासच्या परिसरातील अनेक कुटुंबांना आर्थिक व सेवा सहाय्य करत आहेत. या मदतीचा ओघ महाळुंगे येथिल १० मजूर कुटूंबे, निखोजे (चाकण) खेडेगावातील २२ कुटुंबे, हिंजेवाडी येथिल १०, बालेवाडी येथिल १२, तर भोसरी भागातील ४ कुटूंबे यांपर्यंत पुरवला गेला.
यात मजूर, बांधकाम, रोजंदारी, सुरक्षारक्षक, घरगुती ऊद्योग असे सर्व स्तरातील घटक आहेत. स्वतःला आणि आपल्या कुटुंबाला सुरक्षित ठेवताना, पुणे सत्संगीयांनी आपल्या भोवतालच्या परिसर व समाज बांधवांबद्दल दाखवलेली संवेदनशीलता आणि या कोविड च्या संकटात ते एकटे नाहीत हा विश्वास त्यांच्यामध्ये निर्माण करण्यासाठी ऊचललेली पावले, आपल्या सर्वांनाच प्रेरणा देतील यात शंका नाही.
न्यूज पीसीएमसी Whatsapp Share करीता आपला मो.नं.रजिस्टर करा.