पिंपरी चिंचवड शहरातील कोरोनामुळे निधन झालेल्यांची संख्या शंभरीच्या उंबरठ्यावर…

• आज ४८८ जणांना बाधा तर, आठ जणांचा मृत्यू…

न्यूज पीसीएमसी नेटवर्क

पिंपरी (दि. १० जुलै. २०२०) :- पिंपरी चिंचवड शहरात आज शुक्रवारी (दि. १० जुलै) रोजी ४८८ जणांना कोरोनाची बाधा झालेली आहे. आज नेहरूनगर (स्त्री, वय -८२ वर्ष), चिंचवडेनगर (स्त्री, वय-८० वर्ष), पिंपरीगांव (पुरुष, वय-६१ वर्ष), पिंपळे गुरव (पुरुष, वय -५२ वर्ष), आनंदनगर, चिंचवड ( पुरुष, वय ४२ वर्ष), नेहरूनगर (स्त्री, वय ६० वर्ष), इंद्रायणीनगर भोसरी (स्त्री, वय -४६ वर्ष), मोरे वस्ती, चिखली (पुरुष, वय ४७ वर्ष) येथील आठ जणांचा कोरोनामुळे मृत्यू झालेला आहे.

पिं. चिं. शहरातील सक्रीय रुग्णांची संख्या ६५४९ वर पोहोचली आहे. महापालिका रुग्णालयात २५७७ रुग्ण उपचार घेत असून, महापालिका हद्दीतील रहिवाशी परंतु, इतर ठिकाणी उपचार घेत असणाऱ्या रुग्णांची संख्या १६ वर पोहोचली आहे. तर, आजपर्यंत शहरातील एकूण ९५ जणांचा कोरोनामुळे मृत्यू झालेला आहे. शहरातील कोरोनामुक्त रुग्णांची संख्या ३८४९ वर पोहोचली आहे. आज पालिकेने शहरातील कोरोनाने प्रभावित झालेल्या व मुक्त झालेल्या रुग्णांच्या परिसराची माहिती दिलेली नाही.

पावसाळा सुरू झालेला असल्यामुळे वैद्यकिय विभाग, पिं.चिं.म.न.पा. मार्फत सर्व नागरिकांना आवाहन करण्यात येते की, अत्यावश्यक कारणाशिवाय घराच्या बाहेर पडू नये. तसेच पावसाच्या पाण्यामुळे मास्क ओला होणार नाही याची काळजी व दक्षता घ्यावी यासाठी किमान एक तरी अतिरिक्त (Extra) मास्क जवळ बाळगावा, असे आवाहन पालिकेच्या आरोग्य विभागाने केले आहे.