लॉकडाऊन नंतरही कोरोनाला ब्रेक नाहीच; आज ८०६ बाधित तर, १२ जणांचा मृत्यू…

न्यूज पीसीएमसी नेटवर्क

पिंपरी (दि. २४. जुलै. २०२०) : पिंपरी चिंचवड शहरात आज शुक्रवारी (दि. २४ जुलै) रोजी ८०६ जणांना कोरोनाची बाधा झालेली आहे. आज पिंपरी चिंचवड हद्दीतील १० आणि हद्दीबाहेरील २ अशा १२ जणांचा कोरोनामुळे मृत्यू झालेला आहे.

यात पिंपळे सौदागर (पुरुष ५२ वर्षे), मोशी (पुरुष ७५ वर्षे), उद्यमनगर (पुरुष ५१ वर्षे ), तळवडे (पुरुष ६६ वर्षे, पुरुष १९ वर्षे), मोहननगर (पुरुष ६२ वर्षे), पिंपळे गुरव (पुरुष ३२ वर्षे), आकुर्डी (स्त्री ५९ वर्षे), चिंचवड (पुरुष ६५ वर्षे), रावेत (पुरुष ७० वर्षे), देहूरोड (स्त्री ५२ वर्षे), चाकण (पुरुष ६५ वर्षे) यांचा समावेश आहे.

पिं. चिं. शहरातील सक्रीय रुग्णांची संख्या १४५९० वर पोहोचली आहे. महापालिका रुग्णालयात ३२८९ रुग्ण उपचार घेत आहे. तर, आजपर्यंत शहरातील एकूण २६५ जणांचा कोरोनामुळे मृत्यू झालेला आहे. शहरातील कोरोनामुक्त रुग्णांची संख्या ९५८७ वर पोहोचली आहे. आज पालिकेने शहरातील कोरोनाने प्रभावित झालेल्या व मुक्त झालेल्या रुग्णांच्या परिसराची माहिती दिलेली नाही.

पावसाळा सुरु झालेला असल्यामुळे वैद्यकिय विभाग, पिं.चिं.म.न.पा. मार्फत सर्व नागरिकांना आवाहन करण्यात येते की, अत्यावश्यक कारणाशिवाय घराच्या बाहेर पडू नये. तसेच पावसाच्या पाण्यामुळे मास्क ओला होणार नाही याची काळजी व दक्षता यावी यासाठी किमान एक तरी अतिरिक्त (Extra) मास्क जवळ बाळगावा.