न्यूज पीसीएमसी नेटवर्क
पिंपरी (दि. २६ नोव्हेंबर २०२०) :- पुणे मुंबई द्रुतगती महामार्गावर एसटी बसचा भीषण अपघात झाला आहे. मुंबईकडे जाणाऱ्या लेनवर मध्यरात्री दीड वाजता हा अपघात झाला. सातारा (कलेढोन) येथून मुंबई (परळ) येथे जात असलेल्या एसटी बस (क्रमांक एमएच १४ – बीटी ४६९७) याला अनोळखी कंटेनरने उजव्या बाजूने मागून धड़क दिली.
पनवेल हद्दीजवळ झालेल्या या भीषण अपघातात एका प्रवाशाचा मृत्यू झाला असून चालकासह १६ जण जखमी झाले आहेत. कंटेनरने एसटी बसचा उजव्या बाजूकडील पत्रा कापत जबर धडक दिल्याने उजव्या बाजूकडील आसनावर बसलेले प्रवासी गंभीर जखमी झाले.
आयआरबी कंपनीचे मदतकार्य वेळीच पोहोचल्याने सुरक्षितरित्या प्रवाशांना बाहेर काढून पुढील उपचारासाठी कामोठे येथील एमजीएम रुग्णालयात दाखल करण्यात आलं. महामार्ग वाहतूक पोलीस संबंधित कंटेनरचा शोध घेत आहेत.
न्यूज पीसीएमसी Whatsapp Share करीता आपला मो.नं.रजिस्टर करा.